redacción falaRSE

Galopín Parques, empresa galega galardoada o pasado 23 de febreiro, co premio de Voluntariado Corporativo NovartisForética na categoría de Pymes, participará esta semana no Tour Europeo do Voluntariado que ten lugar esta semana en Madrid. A presenza de Galopín no Tour Europeo do Voluntariado articúlase a través dunha mesa redonda que se celebra este xoves 3 de marzo no Palacio Marqués de Salamanca (Madrid). Esta xornada está organizada por Forética en colaboración co Ministerio de Sanidade, Política Social e Igualdade, e contará coa participación das empresas gañadoras do Premio español de Voluntariado Corporativo, etre elas Galopín, Barclays e o Grupo Vips. A sesión centrarase nas iniciativas de persoas en risco de exclusión. O responsable de RSE de Galopín, Francisco Figueroa, exporá a candidadtura que fixo acreedora a esta empresa galega ó mencioado premio nacional. O Tour Europeo do voluntariado, que percorrerá todos os estados membros da UE, é unha das actividades principais que se levarán a cabo con motivo do Ano Europeo do Voluntariado, organizado conxuntamente polas Institucións Europeas en España (Parlamento Europeo e Comisión Europea), o Ministerio de Sanidade, Política Social e Igualdade, Comunidad de Madrid, Ayuntamiento de Madrid e a Plataforma do Voluntariado de España. Este Tour permite que diferentes organizacións de voluntarios den a coñecer o seu traballo e compartan entre sí as súas experiencias a través de conferencias, presentacións, talleres, mesas redondas e exposicións fotográficas.